OSPATUA GAITASUN INTELEKTUAL HANDIAREN INGURUKO PRESTAKUNTZA
publicado en Gipuzkoako PEO
Leire Aperribai Unamuno izan zen formazioaren irakaslea, Euskal Herriko Unibertsitateko (UPV/EHU) irakasle agregatua, gaitasun intelektual handiko pertsonen ebaluazio psikologikoan eta esku-hartzean aditua.
GIH duten pertsonek garapen kognitibo berezia izaten dute, homogeneoa izan beharrean, profil anitzetan eta ezaugarri indibidualetan agertzen dena. Hori dela eta, zaila izan daiteke haien identifikazioa eta ulermena. Adituak nabarmendu zuenez, desberintasun horiek behar bezala ez aitortzeak esku-hartze eraginkor gabeetara edo kaltegarrietara ere eraman dezake. Zailtasun emozionalak, identitate-konfliktuak edo profesionalen aldetik ulermen-falta dira beren beharrak behar bezala asetzen ez direnean ager daitezkeen arriskuetako batzuk.
Ikastaroan, ondoko helburuak jorratu ziren:
- GIH duten pertsonek dituzten ezaugarri psikologikoak ezagutaraztea.
- Gaitasun handien detekzioa eta identifikazioa bereiztea.
- Ebaluazio-prozesuaren gako diren alderdiak sakon aztertzea.
- Ebaluaziorako teknika eta tresna egoki eta egokituak aurkeztea.
Gipuzkoako Psikologia Elkargo Ofizialetik uste dugu horrelako prestakuntza-guneak sortzen jarraitzea funtsezkoa dela pertsonen aniztasunari egokitutako arreta psikologiko kalitatezkoa sustatzeko. Zentzu horretan, eskerrak eman nahi dizkiogu Leire Aperribai-ri, bai eta parte hartu zuten berrogeita hamar profesional ingururi ere, haien parte-hartze aktiboak eztabaida aberastu eta ezagutza partekatua eraikitzen lagundu baitzuen.