Kargatuz...
Mesedez itxaron pixka bat.

Menua

943 278 712

donostia@cop.es

OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"

HasieraAlbisteakGipuzkoako PEOOSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"
HasieraAlbisteakGipuzkoako PEOOSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"
  • OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"-image-3
  • OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"-image-4
  • OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"-image-5
  • OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"-image-6
  • OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"-image-7
  • OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"-image-8
  • OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"-image-9
  • OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"-image-10
  • OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"-image-11
  • OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"-image-12

OSPATUA "LARRIALDIETAKO ESKU HARTZE PSIKOLOGIKOARI BURUZKO II. JARDUNALDIA"

publicado en Gipuzkoako PEO


100 profesional baino gehiago bildu dira Donostian Larrialdietako Esku Hartze Psikologikoari buruzko II. Jardunaldian



Joan den maiatzaren 16an, Gipuzkoako Psikologia Elkargo Ofizialak "Larrialdietako Esku Hartze Psikologikoari buruzko II. Jardunaldia: Larrialdietan espezialista diren psikologiako profesionalen esparrua eta lana" antolatu zuen Donostiako Aquariumean. Topaketa horretan psikologiako, babes zibileko eta larrialdietako esku-hartzearekin lotutako hainbat arloko 100 profesional baino gehiago bildu ziren.



Jardunaldia 9:00etan hasi zen programa banaketarekin, eta ondoren inaugurazio ekitaldia egin zen Sonja Massimo, Gipuzkoako Psikologia Elkargo Ofizialeko dekanoa eta bertako Larrialdi eta Hondamendien Arloko arduraduna, eta Eusko Jaurlaritzako Segurtasun Saileko Babes Zibileko sailburuordea den Joana Egiluz Ibarguen andrearen eskutik. Azken honek gogorarazi zuenez, "parte hartzen duten eragile guztien koordinazio eraginkorra funtsezkoa da erantzun integrala eman ahal izateko". Bestalde, Sonja Massimo dekanoak adierazi zuenez, "larrialdietan esku-hartze psikologikoa funtsezko diziplina da muturreko egoeretan sufrimendua arintzeko. Jardunaldi honek gure lana ikustarazteaz gain, lotura profesionalak eta sareko lana indartzen laguntzen du".

Lehenengo saioan, "Eginkizun antolatzaile, praktiko eta juridikoa larrialdietan" izenekoan, larrialdien kudeaketa instituzionala eta legala aztertu zen, hainbat ikuspegitatik. Javier Torres Ailhaud jaunak, Psikologiaren Kontseilu Nagusiko kidea, Larrialdietan Psikologikoki Esku Hartzeko Arloko koordinatzailea eta Larrialdietako Psikologiako Iberoamerikako Sareko (RIPE) koordinatzailea, Batzorde Nagusi horrek larrialdien kudeaketan duen zeregina azaldu zuen. Lehen saio honetako beste bi hizlariak Cristina Gamboa, kapitain psikologo militarra, eta Sara Carrión de Castro, Barakaldoko Instrukzioko 4 zenbakiko Epaitegiko magistratua eta Larrialdi eta Hondamendietako Adituen Sare Judizialeko kidea, izan ziren.

Bigarren saioan, "Larrialdietako psikologia inpaktu emozional handiko egoeretan" izenburupean, testuinguru sentikorretan egindako esku-hartze psikologikoetan zentratu zen, hala nola desagertzeetan, suizidio saiakeretan edo ezkutuko biktimei laguntzean. Gai-multzo honetako hizlariak Antonia Ramis, Balear Uharteetako GIPECeko koordinatzailea, eta Jordi García Sicard, Kataluniako Psikologia Elkargo Ofizialeko Larrialdietarako Psikologiako Etika Lantaldeko koordinatzailea.

Saioari amaiera emateko, "¿Qué es ser una víctima oculta?" mahai-ingurua egin zuten Antonia Ramis eta Jordi García hizlariek eta Jesús Muñoz De Ana Gipuzkoako GIPEC-eko kideak, Sonja Massimo COPGIko dekanoak moderatu zuelarik. Mahai horrek interes handia piztu zuen, eta bertaratutakoen parte-hartze aktiboa izan zuen, ekarpenak eta galderak eginez.

Ekitaldia 13:45etan amaitu zen, amaiera-ekitaldiaren ondoren. Bertan, dekanoak gure lurraldean laguntza psikologiko profesionalizatuko prebentzio-plan bat izatearen garrantzia azpimarratu nahi izan zuen, kolektibo profesionalekin koordinatutakoa, eguneroko gertaeretatik hasi eta hondamendi handietara iritsi behar dutenak. Era berean, Gipuzkoako PEOak etengabeko prestakuntzarekin eta larrialdi-egoeretan jarduten duten profesionalen sarea indartzearekin duen konpromisoa indartu zen.

 

 

 

20 05, 25