COPGIren prestakuntza ekintzak itzuli dira, "Taldean Lan Egiteko Teknikak" ikastaroarekin
Joan den irailaren 26an, COPGIk berriro ekin zion bere prestakuntza-jarduerari, "Taldean Lan Egiteko Teknikak" ikastaroarekin. Taldeko esku-hartzean tresna praktiko eta eraginkorrak eskaintzeko diseinatutako ikastaro honek hainbat testuingurutan aplika daitezkeen teknika desberdinetan murgiltzeko esperientzia eskaini zien parte-hartzaileei.
Ikastaroan zehar, parte hartzaileek talde hasierako teknikak eta talde kohesioa, gai espezifikoen lana eta itxiera esperimentatzeko aukera izan zuten, hori guztia ikaskuntza aktiboko eta dinamikoko ingurune batean.
Hainbat dinamikaren bidez, aurkeztutako tekniken eraginak esperimentatu ahal izan zituzten, eta haien oinarri teorikoak ulertu; hala, eguneroko praktikan integratu ahal izango dituzte.
Maider Sierra Arana psikologo sanitario eta psikodramatistak eta Camino Urrutia Imirizaldu psikologo kliniko, psikodramatista eta talde analistak eman zuten ikastaroa. Bi hizlariek beren esperientzia eta ezagutza zabala eskaini zuten, parte-hartzaileak tekniketan zehar gidatuz eta aplikazio praktikorako jarraibide baliotsuak eskainiz.
Ikastaro hau kalitatezko prestakuntzaz betetako denboraldi baten hasiera da. Gipuzkoako Psikologia Elkargo Ofizialak etengabeko garapen profesionalarekin eta ezagutza eta esperientzien trukea erraztuko duten espazioak sortzearekin konprometituta jarraitzen du.
Gehiago irakurri
01
Urr, 25
Gipuzkoako Psikologia Elkargo Ofizialak hitzarmen bat sinatu du Pearsonekin, elkargokideei deskontu esklusiboak eskaintzeko
Duela gutxi, Gipuzkoako Psikologia Elkargo Ofizialak akordioa lortu du Pearsonekin, ebaluazio psikologikorako tresnen hornikuntzan konpainia nagusietako bat dena. Horren bidez, elkargokideek %5eko deskontua izango dute, bai test psikologikoak erostean, bai Pearsonek bere plataforman eskaintzen dituen online ikastaroetako matrikuletan.
Hitzarmen honen helburua da Gipuzkoako psikologoen garapen profesionala indartuko duten kalitatezko baliabideetarako sarbidea erraztea, haien eguneroko prestakuntza eta praktika klinikoa hobetuz.
Hitzarmen honen bidez, kalitate handiko baliabide psikometrikoen erabilera sustatu nahi da, funtsezkoak baitira ebaluazio zehatzak eta eraginkorrak egiteko. Gainera, psikologoek ere prestakuntza-eskaintza zabala izango dute, beren garapen profesionala osatzeko, funtsezko arlo batzuetan, hala nola ebaluazioan, esku-hartzean eta ikerketan.
Elkargokide interesdunek deskontuak eskuratu ahal izango dituzte COPGIP25 kodea erabiliz.
Gehiago irakurri
25
Ira, 25
USTEZKO ISTRIPUA IZAN DUEN HEGALDI BATEN SENIDEEI ETA BIKTIMEI LAGUNTZEKO LARRIALDI-SIMULAZIOAN PARTE HARTU DU GIPEK-EK HONDARRIABIAKO AIREPORTUAN
Gipuzkoako Larrialdi eta Hondamendietan Psikologikoki Esku Hartzeko Taldeko (GIPEC) kideek irailaren 3an Hondarribiko aireportuan istripua jasandako hegaldi bateko tripulazioko senideak eta bidaiari zaurigabeak artatzeko gelak aktibatzeko simulazio partzialean parte hartu zuten.
Aenak antolatutako larrialdi aeronautikoko simulakroan ustezko hegazkin-istripu bat irudikatu zen, larrialdi-zerbitzu guztiak denbora errekorrean zabaltzera behartzen zituena. Simulakroaren helburua inplikatutako kolektibo guztien (barnekoen zein kanpokoen) erreakzio- eta erantzun-denborak ebaluatzea zen, baita protokoloei buruz zuten ezagutza-maila ere.
Sonja Massimok, GIPEC Gipuzkoako Koordinatzailea eta COPGIko Dekanoa, koordinatuta, ekitaldian parte hartu zuten psikologoen lana tripulazioko senideei eta bidaiari zaurigabeei laguntza psikologikoa ematea izan zen. Alde horretatik, psikologiako profesional batek egin dezakeen lana oso garrantzitsua da horrelako egoera batek eragiten duen lehen inpaktu emozionalari (antsietatea, estresa, gainezkatze psiko-emozionala…) eusteko edo hura arintzeko, bai pertsona kaltetuengan, bai senideengan, eta babes psikiko eta segurtasun emozionaleko espazio bat sortzeko, gertaera onartu eta ondoren dolua modu egokian egitea ahalbidetuko duena.
Simulakroan aireportuko zein kanpoko baliabide guztiek hartu zuten parte, hala nola, Eusko Jaurlaritzako Larrialdiei Aurre Egiteko Zuzendaritzak, Ertzaintzak, Osakidetzak, Gipuzkoako Suhiltzaileek, Guardia Zibilak, Gurutze Gorriak, DYAk, Erizainen Elkargo Ofizialak eta Elkargo honek berak, besteak beste.
Ariketaren arduradunek parte-hartzaileen arteko koordinazio-maila handia nabarmendu zuten, baita ezarritako protokoloak aplikatzeko eraginkortasuna ere.
Gehiago irakurri
17
Ira, 25
Joan den ekainaren 12, 13 eta 14ean Psikologia Kontseilu Nagusiaren VII. Konbentzioa egin zen Iruñean, "Psikologia: bizitzak eraldatzen. Etorkizuna eraikitzen" lelopean.
Konbentzioa bi urtez behin egiten da, eta jarduera eta parte-hartzaile ugari biltzen ditu. Aurten, Sonja Massimo Gipuzkoako PEOko dekanoak, Estatuko Psikologia Klinikoaren eta Osasunaren Dibisioko koordinatzaile gisa, "Osasunaren Psikologia: abordatzeak eta ñabardurak" Lan Mahaiko koordinatzailea izan da.
Era berean, Gipuzkoako PEOko arloetako ordezkariak Konbentzioan izan dira, eta estatuko gainerako PEOetako arlo-arduradunekin egindako bileretan ere parte hartu dute. Horietan jasotako informazioa gure elkargokideei helaraziko zaie, COPGIren arloko bilera-deialdien bidez.
.
Gehiago irakurri
26
Eka, 25